Në këtë kapitull do të merren në shqyrtim disa patologji të cilat nuk mund të gjejnë një klasifikim të saktë përsa i përket anës anatomike dhe funksionale. Këto patologji janë shumë të shpeshta dhe nëse nuk kurohen me kujdes mund të bëhen edhe shumë invaliduese për personat e prekur.
Patologjitë që do të analizohen janë osteoporoza, sëmundje e karakterizuar nga një reduktim i indit kockor dhe me shkatërrim gradual të mikro-arkitekturës së kockave, sëmundja e Sudeck e cila është një osteoporozë loko-regjonale e quajtur edhe algodistrofi, e shkaktuar nga një periudhë e gjatë imobilizimi, frakturat nga stresi, shumë të shpeshta tek personat që ushtrojnë sport, traumat muskulare, edhe këto shumë të shpeshta tek sportistët, frakturat e brinjëve të shkaktuara në shumicën e rasteve mga trauma të drejppërdrejta, fraktura e klavikulës e shkaktuar kryesisht nga rrëzimi i personit me trup përpara (çiklistët, snow-board) dhe pubalgia një problem i shpeshtë për sportistët.